Gofalwyr Ifanc ar y ffordd tuag at annibyniaeth

“Rydyn ni’n wirioneddol gyffrous i fod yn gweithio gydag Ysgol Yrru Nigel Richards mewn trefniant sy’n cefnogi Oedolion Ifanc sy’n Gofalu a’r ysgol yrru. Mae’r Gofalwyr Ifanc yn cael eu i ddysgu gyrru am ddim i yrru gan hyfforddwyr sy’n cael eu hyfforddi eu hunain, o dan arweiniad arbenigol eu tiwtor hyfforddiant gyrru.

Mae dysgu gyrru yn dod yn gynyddol ddrud i bobl ifanc o deuluoedd incwm isel, ac mae llawer o’n Gofalwyr Ifanc yn dod o gefndiroedd o’r fath oherwydd eu rolau gofalu. Mae hefyd yn sgil ac yn adnodd hynod ddefnyddiol ac yn gefnogol i deuluoedd sydd â rolau gofalu, gan ei fod yn rhoi mwy o reolaeth i’r teulu dros eu bywydau cymhleth ac yn lleihau’r rhwystrau i fod yn rhan o gymdeithas.”— Sally Duckers, Arweinydd Tîm Gofalwyr Ifanc, Credu

“Bydd hyn yn fy helpu gymaint. Gobeithio y byddaf yn gallu helpu fy nheulu mwy os bydd gennyf gar hefyd,” meddai un Oedolyn Ifanc sy’n Gofalu.

“Fel Elusen sy’n cefnogi gofalwyr ifanc, un o’n prif heriau yw trafnidiaeth, gan nad yw llawer o’r teuluoedd rydyn ni’n eu cefnogi yn gyrru, neu weithiau’n methu dod â’u plant i’n grwpiau a’n gweithgareddau yn ymarferol bob tro. Rydyn ni’n gwybod bod seibiannau byr oddi wrth y rôl o ofalu yn bwysig i les meddyliol gofalwyr, ac mae gallu gyrru yn agor y posibilrwydd o gael cysylltiadau a seibiannau, yn ogystal ag agor cyfleoedd am swyddi.”  Leanne Jeffreys, Gweithiwr Allgymorth Gofalwyr Ifanc Wrecsam, Credu

“Ar ôl dros dri degawd o ddysgu miloedd o bobl i yrru, gofalwyr ifanc yw rhai o’r disgyblion sydd fwyaf hawdd i’w cofio ymysg y rheini yr wyf wedi gweithio gyda hwy erioed. Mae llawer wedi rhannu'r cyfrifoldeb enfawr maen nhw’n ei ysgwyddo gartref a faint o amser, egni a chariad maen nhw’n ei roi i ofalu am eu rhieni gyda mi. Wrth glywed eu straeon yn uniongyrchol, daeth yn gwbl amlwg pa mor drawsnewidiol y gallai cael trwydded yrru fod iddyn nhw - nid yn unig fel sgil, ond fel llinell fywyd i annibyniaeth, cyfle a rhyddid. Mae’r sgyrsiau hynny wedi aros gyda fi ac wedi ysbrydoli awydd dwfn ers tro i roi rhywbeth yn ôl.

Am flynyddoedd, roedd gofynion tyfu’r busnes yn ei gwneud hi’n anodd ymrwymo’r amser a’r adnoddau i gefnogi’r achos hwn yn y ffordd roedd yn ei haeddu go iawn. Nawr, wrth i’n busnes agor pennod newydd, rydyn ni’n hynod falch o fod mewn sefyllfa i helpu. Rydyn ni wrth ein boddau o allu cefnogi Gofalwyr Ifanc Wrecsam drwy helpu eu pobl ifanc i ddysgu gyrru am ddim — gan agor drysau at addysg, cyflogaeth ac ymdeimlad o annibyniaeth a all lunio eu dyfodol a dyfodol eu rhieni yn ymarferol.

Mae’n fraint i ni chwarae rhan fach yn cefnogi’r ymroddiad eithriadol mae’r gofalwyr ifanc hyn yn ei ddangos bob un diwrnod.”Dywedodd Nigel Richards